Ao Koi Tafreeh Ka Samaan Kya Jaye – Qateel Shifai

Ao Koi Tafreeh Ka Samaan Kya Jaye
Phir Se Kisi Waiz Ko Pareshan Kya Jaye

Be Laghzish-e-Pa Mast Hon Unn Aankhon Se Pi Kar
Yun Muhtasib-e-Shehar Ko Heran Kya Jaye

Har Shai Se Muqaddas Hai Khayalat Ka Rishta
Kyun Mas’leh’ton Par Usay Qurbaan Kya Jaye

Muflis K Badan Ko Bhi Hai Chadar Ki Zaroorat
Ab Khul Ke Mazaron Pay Yeh Elaan Kya Jaye

Aghyar Ke Hathon Mein Hon Jis Mulk Ki Bagain
Mazool Har Us Malik Ka Sultan Kya Jaye

Woh Shakhs Jo Deewano Ki Izzat Nahi Karta
Us Shakhs Ka Bhi Chaak Geraibaan Kya Jaye

Pehlay Bhi Qateel Aankhon Ne Khaye Kayi Dhokay
Ab Aur Nah Benaye Ka Nuqsaan Kya Jaye

Qateel Shifai

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.