Jab Say Aaya Hay Tere Payaar Ka Mosam Janaan
Dil Main Rehti Hay Lagataar Chama Cham Janaan
Zakhm Jo Tum Nay Diye Unka Sandaisa Yeh Hay
Bhaijna Ab Nah Khudara Koi Marham Janaan
Jal Rahay Thay Meri Palkoun Pah Jo Yaadoun K Chiraagh
Ab To unki Bhi Lawain Ho Gayein Madham Janaan
Ruk Gaye Saans Bicharnay Ki Ghari Jab Aai
Dil Magar Phir Bhi Dharakta Raha Paiham Janaan
Baandh Loun Main Bhi Teri Yaad K Ghungharo Lakin
Raqs Karna Bhi Tarapnay Say Nahein Kam Janaan
Tou Nay Chora Nah Kisi Radd-e-Amal K Qaabil
Ab Mera Shair,Nah Shola Hay, Nah Shabnam Janaan
Jaanay Kaya Tujh Say Hui Baat Kah Gum Sum Hay Qateel
Ab Tera Naam Bhi Laita Hay Woh Kam Kam Janaan