Apnay Laboun Ko Dushman-e-Izhaar

Apnay Laboun Ko Dushman-e-Izhaar Mat Bana
Sachay Hain Jo Unhi Ko Gunehgaar Mat Bana

Dil Ko Duba Duba K Nah Rakh Dharkanoun Talay
Bay’chainioun K Lutf Ko Azaar Mat Bana

Jitnay Bhi Lafz Hain Woh Mehaktay Gulaab Hain
Lehjay K Farq Say Unhain Talwaar Mat Bana

Tark-e-Wafa Ka Jurm Nah Maanay Ga Tou Nah Main
Is Mas’alay Ko Baais-e-Takraar Mat Bana

Ilzaam Kuch To Gardish-e-Ayyam Ko Bhi Day
Apnay Har Aik Gham Ko Gham-e-Yaar Mat Bana

Aa Mere Baazoun Main Kah Saahil Pah Jaa Lagain
Is Moaj Moaj Waqt Ko Manjhdaar Mat Bana

Tera Yeh Zabt,Aur Woh Shola Sa Aadmi
Sooraj K Aagay Moam Ki Deewar Mat Bana

Shaayad Woh Tere Mounh Pah Hi Sach Bolnay Lagay
Chehray Ko Aainay Ka Paristaar Mat Bana

Har Aik K Liye Nah khula Rakh Isay Qateel
Yeh Dil Hay Aik Ghar isay Bazaar Mat Bana

اردو میں پڑھیں

Leave a Reply

Your email address will not be published. Required fields are marked *