Afro Asiai Naghma

Afro Asiai Naghma

Zanjeerain Jab Tootain Gi Jhankaar Tou Ho Gi

Sadiyoun Ki Soi Dunya Baidaar To Ho Gi

Phailay Huay is Dharti Par Hain Log Jahan Tak

Pohanchay Gi Zanjeeroun Ki Jhankaar Wahan Tak

Dunya Jaagi Tou Koi Mahkoom Nah Hoga

Koi Watan Azaadi Say Mahroom Nah Hoga

Chikna Choor Ghulami Ki Deewar To Ho Gi

Sadiyoun Ki Soi Dunya Baidaar To Ho Gi

Dunya Bhar K insaanoun Ka Yahi Hay Kehna

Sab Ka Haq Hay Aman Aur Chain Say Zinda Rehna

Paas Nah Aanay Do Nafrat K Toofanoun Ko

Payaar Ki Aaj Zaroorat Hay Sab insanoun Ko

Payaar Ki Mitti Say Paida Mehkaar Tou Hogi

Sadiyoun Ki Soi Dunya Baidaar To Ho Gi

Aman K Baadal Ek Din Har Sou Chaaye Milain Gay

Dhoop K Badlay Thanday Thanday Saaye Milain Gay

Poorab Pacham Hogi Azaadi Ki Rim Jhim

Rokay Gi Jo Qoam Usay Kehlaye Gi Mujrim

Patt Jhar Main Bhi Yeh Dharti Gulzar Tou Hogi

Sadiyoun Ki Soi Dunya Baidaar To Ho Gi

اردو میں پڑھیں

Leave a Reply

Your email address will not be published. Required fields are marked *