Gaye Baras jo geet suna tha

Gaye Baras jo geet suna tha haryalay sawan Say
wohi geet main Sun’na Chahun Aaj Teri Jhanjan Say

Pooray Chaand ki Raat Ko Jab To Mere Paas Nahin Thi
Agni Baan Barastay Daikhay Main Nay Kirn Kirn Say

Tere Hawalay Main Nahin Karta,Is Liye Dil Apna
Tujhay Khilonay Tornay Ki Adat Si Hay Bachpan Say

Yeh Sab Jaado Hay Albaili Tere Sanwalay Pan Ka
Aati Hay Chandan Ki Khushboo Tere Mast Badan Say

Kahay Chup Chup Kar Baithay To Meri Kavitaoun Main
Woh Sajni Kya Sajni, jis ko Aaye Laaj Sajan Say

Aisi Baat Nah Ab Chairoun Ga, Jo aisi Waisi Ho
Pehlay Hi Main Tujhay Mana Kar laya laakh Jattan Say

Laakh Qateel Kahay Jao tum Ek Sachay praimi Ho
Aadmi To Pehchana Jaye Apnay Chaal Chalan Say

اردو میں پڑھیں 

Leave a Reply

Your email address will not be published. Required fields are marked *