IBTADAIA

IBTADAIA

Ghataa Cham Cham Barasti Hay To Chirya Che’chahati Hay

Magar Main Kaya Karoun Mujhko Hansi Dono Pah Aati Hay

Kah Woh Ek Lamha-e-Mojood Ki Jhoothi Gawahi Per

Kabhi Ro Kar Kabhi Hans Kar

Ghamoun ka Bhi , Khushi Ka Bhi Yaqeen Karti Chali Jayen

Agar Cham Cham Barasti Yeh Ghataa

Aur Cheh’chahati Naachti Chirya

Ijazat Mujhko Day Saktein

Tou Main Gham Aur Khushi K Saray Mosam

Apnay Bas Main Kar K Dikhlata

Main Har Manzar Main

Sab israr Pas-e-Manzar K Dikhlata

Kah Main Insaan Bhi Houn

Shayar Bhi Houn

Aur Sochta Bhi Houn

Mujhay Tou Aansoun Say Aur Apnay Qehqahoun Say

Masheeat K Khilaf Ek Aslaha Khana Banana Hay

Nahein Aata Kisi K Taaba-e-Farmaan Mujhay Hona

Main Khud Mukhtaar Jeena Chahta Houn

Main Khud Mukhtaar Marna Chahta Houn

اردو میں پڑھیں 

Leave a Reply

Your email address will not be published. Required fields are marked *