jab kisi jaam ko honton se lagaya mein ne
raqs karta howa dekha tera saaya mein ne

mujh se mut pooch mere mohtasib-e-sheher se pooch
kiyoon teri aankh Ko paimaana banaaya mein ne ?

loog kehte hein qasida woh tere husn ka tha
aam sa geet jo mehfil mein sunaya mein ne

maikada band tha laikin joon hee garja baadal
apni tauba ko chatakhta howa paya mein ne

shair-o-naghmaat ka rishta kabhi toota na qateel
…!jab ghazal bun ke woh aaya usay gaaya mein ne

اردو میں پڑھیں

Dil Laga Baitha Houn Lahore K Hangamoun Say
Payar Hay Phir Bhi Hari Pur, Teri Shaamoun Say

Kabhi Aandhi,Kabhi Shola,Kabhi Naghma,Kabhi rang
Apna Maazi Mujhay Yaad Aayee Kayi Namoun Say

Aik Woh Din Kah Binaan Deed Tarap Jatay Thay
Aik Yeh Din Kah Behal Jatay Hain Paighamoun Say

Jab Mere Haath Pah Kaantoun nay Diya Tha Bosa
Woh Mera Pehla Taaruf Tha Gul indamoun Say

Jaan-o-Dil Day k Muhabbat K Khareedar Banay
Yeh Khari Cheez To Milti Hay Kharay Daamoun Say

Choar Bazaar Main Biknay Nah Pohanch Jayen Kahein
Jins-e-Emaan Ko Nikalwaiye Godamoun Say

Pairwi Hazrat-e-Ghaalib Ki Hui Nisf Qateel
May To Milti Nahein Ragbat Hay Faqat Aamoun Say

اردو میں پڑھیں

Kashish-e-Jamal

Qadam Qadam Pah Kayi Khush Jamal Hain Lakin
Kisi Main Baat Kahan Mere Mah Jabeen Jaisi
Nigah Jo Bhi Uthay us K Khado Khaal Pah Giray
Kashish Zaror Koi Us Main Hay Zameen Jaisi

اردو میں پڑھیں

Mojzaa
Bashar K Roop Main Ek Dilruba Talism Banay
Shafaq Main Dhoop Milayen To Uska Jism Banay
Woh Mojzaat Ki Hadd Tak Pohanch Gaya Hay Qateel
Huroof Koi Bhi Likhoun Usi Ka Ism Banay

اردو میں پڑھیں

Woh Saawan Jis Main Zulfoun Ki Ghata Chaai Nahin Hoti
Jo Barsay Bhi To Sairaab apni tanhaai nahin hoti

Janaab-e-Ishq Kartay Hain Karam Kuch Khaas Logoun Par
Har Insaan K Muqadar Main To Ruswaai Nahin Hoti

Samundar Pur Sakoon Hay Is Liye Gehra Bhi Hay Warna
Machalti Nadiyoun Main Koi Gehraai Nahin Hoti

Yeh Waaiz Hay, Nahin Taqreer Main Rakhta Jawaab Apna
Magar Is Shakhs Ki Batoun Main Sachai Nahin Hoti

Jahan Saaqi Ki Aimaa Par Koi Kam Zarf Aa Baithay
Wahan Khush Zauq Rindoun Ki Pazeerai Nahin Hoti

Kabhi Chehray Badal Karr Bhi Yahan Kuch Log Aatay Hain
Kabhi Kuch daikhti Aankhoun Main Baynaai Nahin Hoti

Qateel Aksar Yeh Daikha Hay Kisi Muflis K Aangan Main
Baraat Aaye To Us K Saath Shehnaai Nahin Hoti

Qateel Us Shakhs Ka Kya Wasta Mere Qabeelay Say
Wafa K jurm Main Jis nay Saza Paai Nahin Hoti

اردو میں پڑھیں

Hawa Ki Lehar Koi Cho K Mere Yaar Say Aai
Koi Taaza Khabar Youn Samundar Paar Say Aai

Laboun Say Kam AUr Aankhoun Say Bohat Karta Hay Woh Baatain
Balaaghat Us Main Yeh Pabandiy-e-Izhaar Say Aai

Woh Uski Guftago,Kaliyan Chataknay Ki Sadaa Jaisay
Yeh Narmi Us K Lehjay Main Hamaray Payaar Say Aai

Kashish Rakhta Nahein Ab Phool Mere Waastay Koi
Kah Mujh Tak Har Mehak Us Zulf-e-Khushboodar Say Aai

Yahan Hay Jo Bhi Yousuf,Khud Zulaikhaoun Ka Gaahak Hay
Riwayat Yeh Nayi Kaya Janay Kis Bazaar Say Aai

Woh Ek Maghroor Si Larki,Khushi Jis Ka Takhallus Hay
Mere Paas Aa Gayi lakin Baray israar Say Aai

Andhairoun Nay Qateel Aksar Usi Deewar Say Jhanka
Utar Kar Dhoop Mere Ghar Main Jis Deewar Say Aai

اردو میں پڑھیں

IQRA

Payambar Say Kaha Jibraeil Nay:
Iqra
Payambar Nay Kaha:
Main Parh Nahein Sakta
Magar Us Lamha-e-Noor-o-Tajjali Ka Nateeja Tha
Kah Ek Ummi Woh Aalim Ban Gay
Rooy-e-Zameen Par Jis Say Barh Kar
Koi Bhi ilm-o-Baseerat Ka Nah Maalik Tha
Yahein Tak Khatam Ho Jata Nahein Yeh Silsila ilm-o-Baseerat Ka
Payambar k Ghulamoun Tak Nay Paayi Roshni
Ilm-o-Baseerat Ki
Ujala Ho Gaya Mashhriq Say Maghrib Tak
Kaha Mere Zamnay Say Guzartay Waqt Nay
Iqra
Kaha Mere Zamanay Nay
Mujhay Parhna To Aata Hay
Magar Main Bhool Jana Chahta Houn Saray lafzoun Ko
Aur in Lafzoun Main Poosheeda Har Ek ilm-o-Baseerat Ko
Kitabain Gharq-e-Darya Kar Kay itmeenan-o-Raahat Chathta Houn Main
Kah Ab Aisa Hi Karna Chahye Mujh Ko
Guzartay Waqt Nay Poocha Bhal Kuin?
Kaha ilm-o-Baseerat Aur Kutab Khanay Mere Kis Kaam K
Jab Har Chorahay Per
Buland Awaaz Loud Spekaroun Say Woh Sabhi Kuch Nashar Hota Hay
Nafi Hoti Chali Jati Hay Jis Say Dam Badam ilm-o-Baseerat Ki
Phir is K Saath, Sachi Baat To Yeh Hay
Nah Main Koi Payambar Houn,Nah Tou Kou Farishta Hay
Main Teri Baat Kuin Manoun??

اردو میں پڑھیں

Kuch Raahtoun Ki Khoaj Main Aai Thi Zindagi
Daikha To Ek Lahad main Samai Thi Zindagi

Kaya Kaya Nah Aik Shakhs Nay Rakhi Sambhal Kar
Maloom Ab Hua Kah Parai Thi Zindagi

Ho Jaye Raiza Raiza Lagay Jab Zara Si Thais
Kaya Soch Kar Khuda Nay Banai Thi Zindagi

Tha Dushmanoun K Waastay ibrat Ka Yeh Muqaam
Kaandhay Pah Dostoun Nay Uthai Thi Zindagi

Waapis Gayi Adam Ki Taraf Khaak Oarh Kar
Saansain Pehan K Dahar Main Aai Thi Zindagi

Urta Hua Woh Aik Parinda Hay Ab Kahan
Apnay paroun Pah Jis Nay Sajayi Thi Zindagi

Daikha Qamar Khana-e-Hasti Main Jab Qateel
Daao Pah Har Bashar Nay Lagai Thi Zindagi

(Dr. Yousuf Ki Rehlat Per)

اردو میں پڑھیں